ခေါ်ဆိုမှုဆိုင်ရာ ပြဿနာဖြေရှင်းခြင်း

• ခေါ်ဆိုမှု အဆင့်များ
• ခေါ်ဆိုနေဆဲ သို့မဟုတ် ချိတ်ဆက်နေဆဲ ဟုသာ ပြနေခြင်း
• ခေါ်ဆိုမှုတွင် ဖြေကြားခြင်းမရှိပါဟု ပြပြီး ဖုန်းချလိုက်ခြင်း
• ခေါ်ဆိုမှုအရည်အသွေးကို မြှင့်တင်ခြင်း
• ခေါ်ဆိုမှုများအတွက် ဒေတာလျှော့သုံးခြင်း
• ကျွန်ုပ်၏အဆက်အသွယ်ထံမှ ဘာမှမကြားရခြင်း
• လွတ်သွားသောခေါ်ဆိုမှု သတိပေးချက်များ
• ကျွန်ုပ်၏အဆက်အသွယ်ကို မမြင်ရခြင်း
• ဗီဒီယိုကို လွဲမှားစွာလှည့်ထားခြင်း
• Desktop ခွင့်ပြုချက်များ ဖွင့်ခြင်း
• Desktop OS ဆက်တင်ကို စစ်ဆေးခြင်း

---

ခေါ်ဆိုမှု အဆင့်များ

သင့် Signal ခေါ်ဆိုမှု မျက်နှာပြင်သည် ဖော်ပြပါတို့ကို ပြသပါမည် 

• ခေါ်ဆိုနေဆဲ သို့မဟုတ် ချိတ်ဆက်နေဆဲ - ဖုန်းခေါ်ဆိုမှု ချိတ်ဆက်မိရန် စောင့်ဆိုင်းနေစဉ်။
• ဖုန်းသံမြည်နေသည် - သင့်အဆက်အသွယ်၏ ဖုန်းသည် အွန်လိုင်းတွင် ရှိနေပြီး ဖုန်းသံမြည်နေစဉ်။
• အချိန်ပြ ကိန်းဂဏန်းများ - သင်၏ ခေါ်ဆိုမှုကို ဖြေဆိုလိုက်သည့်နောက်ပိုင်း။

ကျွန်ုပ်၏ ခေါ်ဆိုမှုမျက်နှာပြင်တွင် ခေါ်ဆိုနေဆဲ သို့မဟုတ် ချိတ်ဆက်နေဆဲ ဟုသာ ပြသနေသည်မှာ ဘာကြောင့်နည်း။

• သင်၏ခေါ်ဆိုမှုတွင် ဖုန်းသံစတင်မြည်စေရန်အတွက် သင်နှင့် သင်၏အဆက်အသွယ် နှစ်ဦးစလုံးမှာ အင်တာနက်ချိတ်ဆက်ထားရပါမည်။ သင် ခေါ်ဆိုမှု ပြုလုပ်လိုက်ချိန်တွင် သင်၏အဆက်အသွယ်မှာ အင်တာနက်ချိတ်မထားခြင်း သို့မဟုတ် သူက သင့်ကို ဘလော့ခ်ထားခြင်း ဖြစ်နိုင်ပါသည်။ စစ်ဆေးရန်-
  1. သင် ပေးပို့သော မက်ဆေ့ချ်များမှာ သင်၏အဆက်အသွယ်ထံသို့ ရောက်ရှိသွားကြောင်း အတည်ပြုပါ။
  2. ဤအဆက်အသွယ်ထံမှ မက်ဆေ့ချ်များကို သင် လက်ခံနိုင်ကြောင်း အတည်ပြုပါ။ 
• ဖုန်းနှစ်လုံးထဲမှ တစ်လုံး၏ အချိန်ဇုန်အတွက် ရက်စွဲနှင့် အချိန်ဆက်တင်များကို မှန်ကန်စွာသတ်မှတ်မထားပါ။

ခေါ်ဆိုမှုမျက်နှာပြင်တွင် ဖြေကြားခြင်းမရှိပါဟု ပြပြီး ချက်ချင်းဖုန်းချလိုက်ခြင်းမှာ ဘာကြောင့်နည်း။

သင်၏စက်မှာ အင်တာနက်ချိတ်ဆက်ထားခြင်းမရှိပါ။ သင်၏ ဝိုင်ဖိုင် သို့မဟုတ် မိုဘိုင်းဒေတာ ချိတ်ဆက်မှုကို စစ်ဆေးပါ။

ဖုန်းမြည်သံ တိုးနေပါက ဘာလုပ်ရမလဲ။

• iOS အတွက် သင်၏စက်ကို ကြည့်လိုက်သောအခါ အသံမှာ ပို၍တိုးနေပါက Attention Aware အင်္ဂါရပ်ကို ပိတ်ပါ။

ခေါ်ဆိုမှုအရည်အသွေးကို မည်သို့မြှင့်တင်ရမည်နည်း။

• Signal ၏ နောက်ဆုံးထွက် ဗားရှင်းအထိ အပ်ဒိတ်လုပ်ပါ။
• Wi-Fi နှင့် ဆယ်လူလာဖြင့် ခေါ်ဆိုမှုများအတွက် ဒေတာသုံးစွဲမှု လျှော့ချခြင်းကို ဖွင့်ပါ။ Signal ဆက်တင်  > ဒေတာနှင့် သိုလှောင်မှု (Android) သို့မဟုတ် ဒေတာသုံးစွဲမှု (iOS) သို့ သွားပါ > ဒေတာသုံးစွဲမှု လျှော့ချခြင်းကို နှိပ်ပါ > Wi-Fi နှင့် ဆယ်လူလာကို ရွေးချယ်ပါ။

ဖုန်းခေါ်ဆိုမှုများတွင် ဒေတာ မည်သို့လျှော့သုံးရမည်နည်း။

• Signal ဆက်တင်  > ဒေတာနှင့် သိုလှောင်မှု (Android) သို့မဟုတ် ဒေတာသုံးစွဲမှု (iOS) သို့ သွားပါ > ဒေတာသုံးစွဲမှု လျှော့ချခြင်းကို နှိပ်ပါ > Wi-Fi နှင့် ဆယ်လူလာကို ရွေးချယ်ပါ။

ကျွန်ုပ်၏အဆက်အသွယ်ထံမှ ဘာမှမကြားရပါက ဘာလုပ်သင့်သနည်း။

• Signal ၏ နောက်ဆုံးထွက် ဗားရှင်းအထိ အပ်ဒိတ်လုပ်ပါ။
• သင့်ဖုန်း၏ အသံအတိုးအကျယ်ကို မြှင့်ပါ။
• မိုက်ကရိုဖုန်း ခွင့်ပြုချက်များကို ဖွင့်ထားကြောင်း အတည်ပြုပါ။
• သင်၏ firewall သို့မဟုတ် ပြင်ပအဖွဲ့အစည်းအက်ပ်တစ်ခုက Signal ၏ အင်တာနက်သုံးစွဲခွင့်ကို ကန့်သတ် သို့မဟုတ် ပိတ်ပင်နေခြင်း ရှိမရှိ စစ်ဆေးပါ။
• စပီကာကို အခြားရွေးချယ်စရာတစ်ခုသို့ ပြောင်းပါ ဆိုလိုသည်မှာ စပီကာဖုန်းကို ပိတ်/ဖွင့်ပြီးနောက် မူလ စပီကာရွေးချယ်မှုသို့ ပြန်ပြောင်းပါ။

လွတ်သွားသောခေါ်ဆိုမှုကို ဘာကြောင့်မြင်တွေ့ရသနည်း။

• ခေါ်ဆိုမှုကို သင် လက်ခံရရှိခဲ့ချိန်က သင့်စက်မှာ အော့ဖ်လိုင်းဖြစ်နေနိုင်ပါသည်။
• မနှောင့်ယှက်ရ စနစ်ကို ပိတ်ပါ။
• iOS တွင် ပါဝါအားနည်း စနစ်ကို ပိတ်ပါ- iPhone ဆက်တင် > ဘက်ထရီ > ပါဝါအားနည်း စနစ်ကို ပိတ်မည်။
• သင်နှင့် သင်၏အဆက်အသွယ် နှစ်ဦးစလုံး မှာ Signal ၏ အပ်ဒိတ်အဖြစ်ဆုံးဗားရှင်းကို သုံးနေခြင်းဖြစ်ကြောင်း အတည်ပြုပါ။
• သင့်ဖုန်း၏ ရက်စွဲနှင့် အချိန် ဆက်တင်များကို သင့်အချိန်ဇုန်အတွက် မှန်ကန်စွာသတ်မှတ်ထားခြင်းရှိမရှိ စစ်ဆေးပါ။
• သင် သို့မဟုတ် သင်၏အဆက်အသွယ်တွင် Signal ၏ အင်တာနက်သုံးစွဲခွင့်ကို ကန့်သတ် သို့မဟုတ် ပိတ်ပင်နေသော firewall သို့မဟုတ် ပြင်ပအဖွဲ့အစည်းအက်ပ်တစ်ခုရှိနေသလား စစ်ဆေးပါ။
• သင်နှင့် သင်၏အဆက်အသွယ်သည် ခွင့်ပြုချက် စာရင်းအပြည့်အစုံ ကို ဖွင့်ပေးထားကြောင်း အတည်ပြုပါ။
• မတူညီသော အင်တာနက်ချိတ်ဆက်မှုတစ်ခုကို ပြောင်းသုံးပါ။ ဥပမာ မိုဘိုင်းဒေတာမှ ဝိုင်ဖိုင်သို့ ပြောင်းခြင်း။
• iOS တွင် CallKit ကို အသုံးပြုသော ဒေသများ၌ မျက်နှာပြင်ကို လော့ခ်ချထားသောအခါ ဗီဒီယိုခေါ်ဆိုမှုများတွင် အသိပေးချက် + တုန်ခါမှုကို ပြသသော်လည်း ဖုန်းသံမြည်ခြင်းမရှိပါ။  iPhone ဆက်တင် > Signal > အသိပေးချက်များ > သတိပေးချက် ကဏ္ဍအောက်တွင် လော့ခ်မျက်နှာပြင်ကို ရွေးချယ်ခြင်းဖြင့် သင်၏ လော့ခ်မျက်နှာပြင်အတွက် အသိပေးချက်များကို ပြသပါ။ 

ဗီဒီယိုခေါ်ဆိုမှုတွင် ကျွန်ုပ်၏အဆက်အသွယ်ကို မည်သို့မြင်တွေ့နိုင်သနည်း။ ကျွန်ုပ်အဆက်အသွယ်၏ ဗီဒီယိုက ဘယ်မှာနည်း။

သင့်ကို မည်သူတွေ့မြင်နိုင်ကြောင်း သင် အပြည့်အဝထိန်းချုပ်ခွင့်ရှိသည်။ သင်၏အဆက်အသွယ်မှာလည်း အလားတူရွေးချယ်ခွင့်ရှိသည်။

• သင်၏ဗီဒီယိုကို ပြသရန်အတွက် သင့်ဘက်ခြမ်းတစ်ဘက်တည်းတွင် ဗီဒီယိုဖွင့်ရန် ဗီဒီယိုအိုင်ကွန်  ကို နှိပ်ပါ။ သင့်စက်အတွက် ခွင့်ပြုချက် စာရင်းအပြည့်အစုံကို ဖွင့်ပေးထားကြောင်း အတည်ပြုရန် လိုအပ်နိုင်ပါသည်။ 
• သင့်အဆက်အသွယ်၏ ဗီဒီယိုကို မြင်ရရန်အတွက် ၎င်း၏ဘက်ခြမ်းမှ ဗီဒီယိုအိုင်ကွန် ကို နှိပ်ရန်လိုအပ်ပါမည်။ ၎င်း၏စက်အတွက် ခွင့်ပြုချက် စာရင်းအပြည့်အစုံကို ဖွင့်ပေးထားကြောင်း အတည်ပြုရန် လိုအပ်နိုင်ပါသည်။ 

ကျွန်ုပ်အဆက်အသွယ်၏ ဗီဒီယိုမှာ တစ်စောင်းဖြစ်နေပြီး မျက်နှာပြင်အပြည့်မပေါ်ခြင်းမှာ ဘာကြောင့်နည်း။

• ၎င်း၏ဖုန်းတွင် အလိုက်သင့်လှည့်၍ဖော်ပြမှုကို လော့ခ်ချထားသလား စစ်ဆေးခိုင်းပါ။

ဖုန်းခေါ်ဆိုမှုအတွက် Desktop ခွင့်ပြုချက်များကို မည်သို့ဖွင့်ရမည်နည်း။ 

1. အက်ပ် ခွင့်ပြုချက်များထဲတွင် ခွင့်ပြုခြင်း။

   • Signal Desktop တွင် သင်၏ပရိုဖိုင်  >  ဦးစားပေးများကို နှိပ်ပြီး မိုက်ကရိုဖုန်းနှင့် ကင်မရာ အသုံးပြုခွင့်ပေးပါ။

2. OS ခွင့်ပြုချက်များကို ပြင်ဆင်ပြောင်းလဲခြင်း-

   • macOS- Apple မီနူး  > စနစ် ဆက်တင်ကို ရွေးပါ > လုံခြုံရေးနှင့် ကိုယ်ပိုင်အချက်အလက်ကို နှိပ်ပါ > ကိုယ်ပိုင်အချက်အလက်ကို ရွေးပါ > ကင်မရာကို ရွေးပါ > Signal ဘေးရှိ အကွက်ကို ရွေးပါ။ ဤဆက်တင် သက်ဝင်လုပ်ဆောင်ရန်အတွက် Signal သည် ပြန်လည်စတင်ရန် လိုပါမည်။
   • macOS- Apple မီနူး  > စနစ် ဆက်တင်ကို ရွေးပါ > လုံခြုံရေးနှင့် ကိုယ်ပိုင်အချက်အလက်ကို နှိပ်ပါ > ကိုယ်ပိုင်အချက်အလက်ကို ရွေးပါ > မျက်နှာပြင်မျှဝေခြင်းကို ရွေးပါ > Signal ဘေးရှိ အကွက်ကို ရွေးပါ။ ဤဆက်တင် သက်ဝင်လုပ်ဆောင်ရန်အတွက် Signal သည် ပြန်လည်စတင်ရန် လိုပါမည်။

အခြား OS ဆက်တင်များကို စစ်ဆေးခြင်း-

• • macOS- သင်၏ iPhone ကို webcam အဖြစ် အသုံးပြုရန် ကြိုးစားနေပါက- Apple မီနူး  > စနစ် ဆက်တင် > အထွေထွေ > AirPlay & Handoff ကို ရွေးချယ်ပြီး ၎င်းကို ခွင့်ပြုထားကြောင်း သေချာပါစေ။
  • Windows- အသံအတိုးအကျယ် ဆက်တင်ကို စစ်ဆေးပါ။
    1. Signal Desktop ကို ပိတ်ပါ။
    2. ဆက်တင် အက်ပ် > အသံ > နောက်ထပ် အသံဆက်တင်များ > ဆက်သွယ်ရေးကို ဖွင့်ပါ။
    3. "ဘာမှမလုပ်ပါ" ကို ရွေးချယ်ပြီး သုံးမည်ကို နှိပ်ပါ။ 
    4. Signal Desktop ကို ဖွင့်ပါ။ ခေါ်ဆိုမှုတစ်ခု လုပ်ကြည့်ပြီး အသံအတိုးအကျယ် အနေအထား ပိုကောင်းလာခြင်း ရှိ၊ မရှိကို စစ်ဆေးပါ။
  • Windows- အထက်တွင်ဖော်ပြခဲ့သည့်အတိုင်း "ဆက်သွယ်ရေးလုပ်ဆောင်ချက်" ထိန်းချုပ်မှုကို "ဘာမှမလုပ်ပါ" ဟု သတ်မှတ်ထားပြီးသော်လည်း ပြဿနာဆက်ရှိနေပါက အောက်ပါအဆင့်များကို စမ်းလုပ်ကြည့်ပါ-
    1. ဆက်တင် အက်ပ် > စနစ် > အသံ > စပီကာများကို ဖွင့်ပြီး သင်၏ အသံထွက်သည့်စက်အတွက် "မြှင့်တင်မှုများ" / "အသံပိုင်းမြှင့်တင်မှု" ဆက်တင်ကို ပိတ်ကြည့်ပါ။  
    2. ဆက်တင် အက်ပ် > စနစ် > အသံ > စပီကာများ ကို ဖွင့်ပြီး သင်၏ အသံပိုင်း Driver များ အပ်ဒိတ် ဖြစ်၊ မဖြစ် စစ်ဆေးပါ။ အချို့သော ထုတ်လုပ်သူများမှာ ယခင်က ပြဿနာများ ရှိခဲ့ပြီး ၎င်းတို့ကို အပ်ဒိတ်များဖြင့် ဖြေရှင်းပေးထားသည်။