သင့်အကောင့်ကို အက်တစ်ဖြစ်စေရန် သင့်ဖုန်းတွင် Signal ကိုဖွင့်ပါ

Signal Desktop တွင် ဤနဖူးစည်းကို ဘာကြောင့်တွေ့ရသနည်း။

သင့်အကောင့်သည် သမားရိုးကျမဟုတ်သော ရှားပါးအမျိုးအစားတစ်ခုထဲသို့ ရောက်နေသည်-

• သင့်အကောင့်၏ ပင်မစက် (Signal တွင် မူလအစက စာရင်းသွင်းရန် သင်အသုံးပြုခဲ့သည့် Android သို့မဟုတ် iOS စက်) ကို အပ်ဒိတ်လုပ်ထားခြင်းမရှိသလို Signal ဝန်ဆောင်မှုနှင့် ခဏတာချိတ်ဆက်ထားခြင်းလည်းမရှိပါ။
• သင့်လင့်ခ်ချိတ်ထားသော စက်တစ်ခုသို့မဟုတ် စက်များ (ဥပမာ Signal Desktop) သည် Signal ကို အသုံးပြုနေပြီး ဝန်ဆောင်မှုသို့ ချိတ်ဆက်နေပါသည်။

ဘာလုပ်ရမည်နည်း။

အကောင်းဆုံးအခြေအနေများတွင် လုပ်ငန်းစဉ်သည် ရိုးရှင်းပြီး လွယ်ကူပါသည်-

1. Signal ကို သင်မူလအစက စာရင်းသွင်းခဲ့သည့် ဖုန်းကို ရှာပါ။
2. ဖုန်းကိုဖွင့်ပြီး နောက်ဆုံးထွက် Signal အပ်ဒိတ်ကို ထည့်သွင်းပါ (ဥပမာ- App Store သို့မဟုတ် Play Store မှ)။
   • Signal ထုတ်ဝေမှုသည် ရက် 90 အကြာတွင် သက်တမ်းကုန်ဆုံးမည်ဖြစ်သဖြင့် အံဆွဲထဲတွင် ထည့်ထားသည့်ဖုန်းကိုအားသွင်းပြီး Signal ဗားရှင်းအဟောင်းကိုဖွင့်ရန် ချက်ချင်းကြိုးစားခြင်းသည် အလုပ်မဖြစ်ပါ။
3. ထိုဖုန်းတွင် နောက်ဆုံးထွက် Signal အပ်ဒိတ်ကို ဖွင့်ပြီး ဝန်ဆောင်မှုသို့ ချိတ်ဆက်ခွင့်ပြုပါ။
   • သင့်ပင်မစက်သည် Signal ဝန်ဆောင်မှုမှ ခဏတာချိတ်ဆက်မှုပြတ်တောက်သွားပါက သင့်ချက်(တ်)တွဲများတွင် အမှားအယွင်းများတွေ့နိုင်သည်ကို သတိပြုပါ။
4. Signal ကို ဖုန်းတွင် မိနစ်အနည်းငယ်ကြာ ဖွင့်ထားပါ။
5. Signal Desktop ကို ပိတ်ပြီး ပြန်ဖွင့်ပါ။ သင့်ဖုန်းသည် ဝန်ဆောင်မှုကို အပ်ဒိတ်လုပ်ပြီး အောင်မြင်စွာ ချိတ်ဆက်နိုင်ခဲ့ပါက နဖူးစည်းကို သင်မြင်ရတော့မည်မဟုတ်ပါ။

ဒါကို မလုပ်လျှင် သို့မဟုတ် ထိုဖုန်းသို့ ဝင်သုံးခွင့်မရှိတော့လျှင် သို့မဟုတ် မူလပင်မစက်တွင် Signal ကို ဖြုတ်လိုက်လျှင် မည်သို့ဖြစ်မည်နည်း။

အပလီကေးရှင်း၏ နောက်ဆုံးပေါ်ဗားရှင်းကို အသုံးပြု၍ Signal ကို ပြန်လည်ထည့်သွင်းပြီး မှတ်ပုံတင်ရန် လိုအပ်နိုင်သည်။ Signal ဝန်ဆောင်မှုအသစ်အချို့သည် Signal အတွက် သင်အသုံးပြုခဲ့သည့် ဖုန်းအပါအဝင် သင့်အကောင့်နှင့်ချိတ်ဆက်ထားသော စက်အားလုံးကို အပ်ဒိတ်လုပ်ရန် လိုအပ်ပါသည်။ သင့်ပင်မစက်ကို အပ်ဒိတ်မလုပ်ပါက သင့်အကောင့်သည် နောက်ဆုံးပေါ် လုပ်ဆောင်နိုင်စွမ်းကို ရယူအသုံးပြုနိုင်မည် မဟုတ်ပါ — ထို့ပြင် သင့်ပင်မစက်သည် နောက်ကျကျန်နေပါက အနာဂတ်တွင် သင့်အကောင့်ကို ပိတ်ပစ်နိုင်သည်။

ဤသို့ထပ်မဖြစ်ရန် ဘာလုပ်နိုင်သနည်း။

ကျေးဇူးပြု၍ သင့်ဖုန်းတွင် Signal ကို အခါအားလျော်စွာ ဖွင့်ပြီး အပ်ဒိတ်ဖြစ်နေပါစေ။ သင့်အကောင့်ရှိသည့် စက်တိုင်းသည် နောက်ဆုံးထွက်မွမ်းမံမှုများနှင့် မြှင့်တင်မှုများကို ပံ့ပိုးပေးမှသာ အချို့သောအင်္ဂါရပ်များကို ဖွင့်နိုင်မည်ဖြစ်ပြီး မူလစက်ပျောက်သွားသည့်အခါ ၎င်းသည် မဖြစ်နိုင်ပါ။

၎င်းသည် အဘယ်ကြောင့်အရေးပါသနည်း။

နောက်ဆုံးပေါ် အင်္ဂါရပ်များနှင့် မြှင့်တင်မှုများတွင် နောက်ကျကျန်နေပါက သင်ပြောမည့်လူတိုင်းကိုလည်း သက်ရောက်မှုရှိပါသည်။ သင့်စက်အားလုံးတွင် Signal ကို အပ်ဒိတ်လုပ်ထားခြင်းသည် သင်နှင့်ဆက်သွယ်သည့်အခါတိုင်း ၎င်းတို့အတွက် နောက်ဆုံးပေါ်ဝန်ဆောင်မှုများနှင့် လုံခြုံရေးဆိုင်ရာ မြှင့်တင်မှုအားလုံးကို ရရှိနိုင်ကြောင်း သေချာစေခြင်းဖြင့် သင်ဂရုစိုက်သောသူများကို ကာကွယ်ပေးပါသည်။

နားလည်မှုအတွက် ကျေးဇူးတင်ပြီး အဆင်မပြေမှုတစ်စုံတစ်ရာအတွက် တောင်းပန်အပ်ပါသည်။