اکاؤنٹ حذف کریں

آپ اس فون سے اپنا Signal اکاؤنٹ مستقل طور پر حذف کر سکتے ہیں جس پر آپ نے اسے اصل میں ترتیب دیا ہے۔

اہم: 120 دنوں کی غیر فعالیت کے بعد Signal اکاؤنٹس حذف کر دیے جاتے ہیں۔ اپنا اکاؤنٹ فعال رکھنے کے لیے، پرائمری فون پر باقاعدگی سے Signal کو کھولیں۔

اپنا Signal اکاؤنٹ حذف کریں

ہم آپ کے لیے آپ کا Signal کا اکاؤنٹ حذف نہیں کر سکتے۔ آپ کو اس فون سے اپنا اکاؤنٹ خود ہی Signal ایپ کے ذریعے حذف کرنا ہو گا جس پر آپ نے اسے ترتیب دیا ہے۔ ہم اکاؤنٹ کو حذف کرنے کی درخواستیں ای میل یا دوسرے طریقوں سے قبول نہیں کر سکتے کیونکہ ہم اس بات کی تصدیق نہیں کر سکتے کہ وہ اکاؤنٹ آپ کا ہے۔

تقاضہ: اکاؤنٹ میں تبدیلیاں کرنے کے لیے Signal کا اس فون پر فعال طور پر کام کرنا لازمی ہے جہاں آپ نے اپنا Signal کا اکاؤنٹ ترتیب دیا ہوا ہے۔ آپ ایک ایسے اکاؤنٹ میں تبدیلیاں نہیں کر سکتے جو آپ کے فون پر ترتیب نہیں دیا گیا ہے۔

اپنا اکاؤنٹ حذف کرنا:

1. اس فون پر Signal کھولیں جس پر آپ نے اپنا Signal کا اکاؤنٹ ترتیب دیا ہوا ہے۔
2. سیٹنگز > اکاؤنٹ > اکاؤنٹ حذف کریں پر جائیں۔
3. اپنا فون نمبر درج کریں اور تصدیق کریں۔

اپنا اکاؤنٹ حذف کرنے سے آپ کا فون نمبر Signal یوزر کے طور پر پہچانے جانے سے ہٹا دیا جاتا ہے۔

Signal ڈیسک ٹاپ کا ڈیٹا حذف کریں

Signal ڈیسک ٹاپ کا ڈیٹا حذف کرنے سے آپ کا Signal اکاؤنٹ حذف نہیں ہوتا۔ یہ اس کمپیوٹر سے صرف آپ کے میسجز اور Signal کے دوسرے ڈیٹا کو ہٹاتا ہے۔

آپ کا Signal کا اکاؤںٹ اس فون اور کسی بھی دوسری لنک کردہ ڈیوائسز پر فعال رہتا ہے۔

1. Signal کھولیں۔
2. ترجیحات پر جائیں۔
   • Mac: Signal > سیٹنگز پر جائیں۔
   • Windows: فائل > ترجیحات پر جائیں۔
   • Linux: فائل > سیٹنگز پر جائیں۔
3. پرائیویسی کو منتخب کریں۔
4. تصدیق کرنے کے لیے ایپلیکیشن ڈیٹا حذف کریں کو منتخب کریں۔

اپنا Signal اکاؤنٹ حذف کرنے کے لیے، اس فون پر اوپر دیے گئے اقدامات پر عمل کریں جس پر آپ نے اپنا Signal کا اکاؤنٹ ترتیب دیا ہوا ہے۔

Signal ڈیسک ٹاپ کو ان انسٹال کریں

اپنے کمپیوٹر سے Signal ڈیسک ٹاپ ایپ اور اس کے مقامی ڈیٹا کو ہٹانے کے لیے:

Windows

ذیل میں دیے گئے اقدامات میں <YourName> کو اپنے Windows یوزر کے ساتھ تبدیل کریں:

1. C:\Users\<YourName>\AppData\Local\Programs\signal-desktop میں Signal.exe ان انسٹال کریں کو منتخب کریں۔
2. دستی طور پر C:\Users\<YourName>\AppData\Local\Programs\signal-desktop کو حذف کریں۔

macOS

1. /Application یا ~/Application ڈائریکٹری سے Signal.app کی فائل کو حذف کریں۔
2. ~/Library/Application Support/Signalسے مقامی ڈیٹا حذف کریں۔

Linux

1. apt-get remove signal-desktop استعمال کریں۔
2. ~/.config/Signal حذف کریں۔

وہ فون موجود نہیں ہے جو آپ نے Signal ترتیب دینے کے لیے استعمال کیا تھا؟

اپنے Signal اکاؤنٹ کو حذف کرنے یا اس میں تبدیلیاں کرنے کے لیے اس فون پر Signal کا فعال طور پر کام کرنا لازمی ہے جس پر آپ نے اسے ترتیب دیا ہوا ہے۔ آپ ایک ایسے اکاؤنٹ کو حذف نہیں کر سکتے جو آپ کے فون پر ترتیب نہیں دیا گیا ہے کیونکہ اس بات کی تصدیق کا کوئی طریقہ نہیں ہے کہ وہ آپ کا اکاؤنٹ ہے۔

اگر اب وہ فون آپ کی رسائی میں نہیں ہے جس پر آپ نے اپنا Signal اکاؤنٹ ترتیب دیا ہوا ہے، تو 120 دنوں کی غیر فعالیت کے بعد آپ کا اکاؤنٹ حذف ہو جائے گا۔ اس کے بعد، آپ کا فون نمبر Signal یوزر کے طور پر پہچانا نہیں جائے گا۔