Signal ရှိ ဖြားယောင်းခြင်း ကြိုးပမ်းမှုများကို ခုခံကာကွယ်ခြင်း

ဖြားယောင်းခြင်းအပါအဝင် မသမာသောအသုံးပြုမှု သို့မဟုတ် လူအချင်းချင်းလှည့်ဖြားခြင်းသည် အန္တရာယ်ရှိသော ဆက်သွယ်မှုဖြစ်သည်။ Signal တွင် လူများကို ဖြားယောင်းခြင်းမှ ကာကွယ်ရန်နှင့် Signal တွင် ပြောဆိုနေသူများကို စစ်ဆေးရန် ထုတ်ကုန်နှင့် အသုံးပြုသူကြားခံ ရွေးချယ်မှုများစွာကို ပြုလုပ်ထားပါသည်။

မှတ်ပုံတင်လော့ခ်ချခြင်း သို့မဟုတ် လုံခြုံရေးနံပါတ်များကို စစ်ဆေးခြင်းကဲ့သို့သော အင်္ဂါရပ်များကို ပုံမှန်အသုံးပြုခြင်းသည် ဖြားယောင်းခြင်းမှ သင့်ကိုယ်သင်ကာကွယ်ရန် အရေးကြီးသော နည်းလမ်းများနှင့် ဗျူဟာများဖြစ်သည်။

Signal သည် သုံးစွဲသူများထံ မည်သည့်အခါမျှ စတင်ဆက်သွယ်ခြင်း၊ Signal မှတစ်ဆင့် ဆက်သွယ်ခြင်း ပြုမည်မဟုတ်ပါ။ 

သင်ဖြားယောင်းခြင်းခံရပြီဟု စိုးရိမ်ပါက

သင့်ဖုန်းသည် သင်၏ Signal အကောင့်နှင့် ချိတ်ဆက်နေသေးကြောင်း စစ်ဆေးရန် အမြန်ဆုံးနည်းလမ်းမှာ မိမိကိုယ်ပိုင်မှတ်စုသို့ မက်ဆေ့ချ်ပေးပို့ခြင်း ဖြစ်သည်။ ထိုမက်ဆေ့ချ်အတိုင်း ပေးပို့ပါက သင်သည် သင့်အကောင့်ကို ထိန်းချုပ်နိုင်နေဆဲဖြစ်သည်။ 

သင်သည် ဖြားယောင်းခံရပြီး သင့်အကောင့်ကို ထိန်းချုပ်နိုင်စွမ်းမရှိတော့မည်ကို စိုးရိမ်ပါက ၎င်းတို့အား အသိပေးရန်နှင့် အခြားသူများအားဖြန့်ဝေဖို့ တောင်းဆိုရန်အတွက် အခြားဆက်သွယ်ရေးကိရိယာတစ်ခုမှတစ်ဆင့် သင့်အဆက်အသွယ်များသို့ ဆက်သွယ်နိုင်သည်။

မှတ်ပုံတင်မှု ပိတ်ထားခြင်း

မှတ်ပုံတင်ခြင်း လော့ခ်သည် သင်၏ Signal အကောင့်ကိုဖြားယောင်းခြင်း တိုက်ခိုက်မှု သို့မဟုတ် သိမ်းပိုက်ခြင်းမှ ကာကွယ်ရန် အပိုလုံခြုံရေးအလွှာတစ်ခု ထပ်လောင်းပေးသည့် အင်္ဂါရပ်တစ်ခုဖြစ်သည်။ မှတ်ပုံတင်ခြင်းလော့ခ်ကို ဖွင့်ထားသည့်အခါ ပုံမှန် SMS ဖြင့် အတည်ပြုခြင်းအပြင် သင့်အကောင့်ကို မှတ်ပုံတင်ရန် သင်၏ Signal PIN လိုအပ်ပါသည်။ ဆိုလိုသည်မှာ တစ်စုံတစ်ဦးသည် သင်၏ Signal အကောင့်ကို ပြန်လည်မှတ်ပုံတင်ရန် ကြိုးစားပါက ၎င်းတို့သည် SMS အတည်ပြုကုဒ်သာမက PIN ကိုပါ လိုအပ်မည်ဖြစ်သည်။ Signal ဆက်တင် > အကောင့်တွင် မှတ်ပုံတင်လော့ခ်ကို ဖွင့်နိုင်သည်။ 

ဖြားယောင်းခြင်းနှင့် ပတ်သက်၍ စိုးရိမ်သူမည်သူမဆို Signal အကောင့်များတွင် မှတ်ပုံတင်ခြင်း လော့ခ်ကိုဖွင့်ထားရန် အကြံပြုအပ်ပါသည်။
 

Signal သည် မူရင်းအတိုင်း ပရိုဖိုင်ဓာတ်ပုံကို မှုန်ဝါးစေမည်ဖြစ်ပြီး သင်ပေးပို့သော ဓာတ်ပုံများ၊ ဗီဒီယိုများ သို့မဟုတ် အခြားမီဒီယာများကို မက်ဆေ့ချ်တောင်းဆိုမှုအခြေအနေတွင် သင်ရွေးချယ်မထားပါက ဒေါင်းလုဒ်လုပ်မည်မဟုတ်ပါ။ အရေးကြီးသည်မှာ ဖြားယောင်းခြင်းမှ တင်းကျပ်စွာကာကွယ်မှုအနေဖြင့် မက်ဆေ့ချ်ပို့ရန် တောင်းဆိုမှုအခြေအနေတွင် URL များသည် လင့်ခ်ချိတ်ထားခြင်း*မရှိပါ* (တစ်နည်း "tappable")။ 

အသုံးပြုသူများသည် မက်ဆေ့ချ်ပို့ရန် တောင်းဆိုမှုကို ကြည့်ရှုသည့်အခါ ဘေးကင်းရေး အကြံပြုချက်များကိုလည်း တွေ့မြင်ရမည်ဖြစ်ပြီး ဖြားယောင်းရန် ကြိုးပမ်းမှုများကို ၎င်းတို့အား ရှာဖွေတွေ့ရှိနိုင်မည်ဖြစ်သည်။  ဥပမာအားဖြင့် သင့်ထံ မက်ဆေ့ချ်ပို့ရန် တောင်းဆိုချက်ပို့သည့် သူတစ်ဦးနှင့် တူညီသောအုပ်စုများတွင် မရှိပါက အက်ပ်သည် "တောင်းဆိုမှုများကို သေချာစစ်ဆေးရန်" သတိပေးချက်ပေါ်လာမည်ဖြစ်ပြီး အသုံးပြုသူများ ထပ်မံရှာဖွေနိုင်သည့် ဘေးကင်းရေးဆိုင်ရာ အကြံပြုချက်များစွာကို ပေးဆောင်မည်ဖြစ်ပြီး ဖြားယောင်းလိမ်လည်မှု၏ လက္ခဏာများကို အကြမ်းဖျင်းဖော်ပြသည်- 

အချိန်မရွေး ဘလော့ခ်ခြင်းနှင့် တိုင်ကြားခြင်း

မက်ဆေ့ချ်ပို့ရန်တောင်းဆိုမှုကို လက်ခံပြီးသည့်တိုင် Signal တွင် တစ်ဦးချင်း သို့မဟုတ် အဖွဲ့ချက်(တ်)တစ်ခုကို ဘလော့ခ်ရန် သင်ရွေးချယ်နိုင်သည်။ ဘလော့ခ်ခံထားရသော သုံးစွဲသူများသည် Signal မှတစ်ဆင့် သင့်ကို ခေါ်ခြင်း သို့မဟုတ် မက်ဆေ့ချ်ပို့ခြင်းများ လုပ်နိုင်မည်မဟုတ်ပါ။ Signal တွင် လူတစ်ဦး သို့မဟုတ် အဖွဲ့တစ်ခုကို အချိန်မရွေး စပမ်းအဖြစ် သတင်းပို့ တိုင်ကြားနိုင်သည်။ ၎င်းကိုလုပ်ဆောင်ရန် ချက်(တ်)ဆက်တင် > လိမ်လည်မှုကို တိုင်ကြားမည် သို့သွားပါ။ 
 

အဆက်အသွယ် အိုင်ကွန်

Signal တွင် သင်နှင့် စကားပြောနေသော တစ်စုံတစ်ဦးကို သင့်ဖုန်း၏ အဆက်အသွယ်စာရင်းတွင် သိမ်းဆည်းထားပါက အပလီကေးရှင်း အင်တာဖေ့စ်၏ အစိတ်အပိုင်းများစွာတွင် လူအမည်ဘေးရှိ အိုင်ကွန်တစ်ခုကို သင်တွေ့ရပါမည်။ ၎င်းသည် ဤလူကိုသင် သိမသိ ခွဲခြားသိမြင်စေနိုင်ပြီး ပရိုဖိုင်အမည်တူရှိနိုင်သည့် အခြားလူများနှင့် ၎င်းတို့ကြားတွင် ခွဲခြားသိမြင်နိုင်စေရန် ကူညီပေးသည်။ မှတ်ချက်- တစ်စုံတစ်ယောက်သည် Signal ဆက်တင်တွင် “ဖုန်းနံပါတ်ဖြင့် ကျွန်ုပ်ကိုရှာပါ” ကိုပိတ်ထားပါက ၎င်းတို့၏နံပါတ်ကို သင့်ဖုန်းတွင်သိမ်းဆည်းထားသော်လည်း အိုင်ကွန်ကို သင်တွေ့လိမ့်မည်မဟုတ်ပါ။ 
 

ပရိုဖိုင် အတည်ပြုခြင်း ကိရိယာများ

Signal တွင် သင်စကားပြောသောလူများကို စစ်မှန်ကြောင်းသက်သေပြရန် ကူညီပေးသည့်ကိရိယာများစွာရှိသည်။ သင်သည် ၎င်းတို့၏ပရိုဖိုင်အမည်နှင့် ဓာတ်ပုံကိုသာ မြင်ရပြီး ၎င်းတို့၏အထောက်အထားကို အတည်ပြုရန်အတွက် ဖုန်းနံပါတ်ကို မသိမြင်သည့်အခါတွင် ၎င်းသည် အထူးအရေးကြီးပါသည်။ 

• ပရိုဖိုင်အမည် ပြောင်းလဲခြင်းဖြစ်ရပ်များ - Signal မှတစ်စုံတစ်ဦးသည် ၎င်းတို့၏ပရိုဖိုင်အမည်ကို ပြောင်းလဲသည့်အခါ ထိုပုဂ္ဂိုလ်နှင့် ပရိုဖိုင်အမည်ဟောင်းအပါအဝင် ပရိုဖိုင်အမည်အသစ်နှင့် ၎င်းတို့၏ပရိုဖိုင်အမည်ကို ပြောင်းလဲထားကြောင်း ပြသမှုကို သင့်ချက်(တ်)တွင် တွေ့ရပါမည်။ တစ်စုံတစ်ဦးသည် ၎င်းတို့၏ပရိုဖိုင်အမည်ကို အခြားသူတစ်ဦးအဖြစ် ဟန်ဆောင်ရန် ပြောင်းလဲနေပါက သင့်အား အသိပေးနိုင်ရန် ဒီဇိုင်းထုတ်ထားခြင်းဖြစ်သည်။ 
• ထပ်နေသောအမည်အား အသိပေးချက်များ- အဖွဲ့ချက်(တ်)အတွင်း ဖွဲ့၀င်အများအပြားတွင် တူညီသောပရိုဖိုင်အမည်ရှိလျှင် အဆိုပါ ထပ်တူညီနေသောအမည်များကို ပြန်လည်သုံးသပ်ရန် တွန်းအားပေးသည့်အမှာစာအပြင် ပေါ်လာသည့်အသိပေးချက်ကို သင်တွေ့ရပါမည်။ သုံးသပ်ချက် မျက်နှာပြင်ပေါ်တွင် သင်တို့အနေဖြင့် နောက်ထပ်အဖွဲ့များတွင် အတူပါဝင်နေခြင်း ရှိမရှိနှင့် အဖွဲ့ဝင်တစ်ဦးဦးသည် ၎င်း၏ ပရိုဖိုင်း အမည် မကြာသေးခင်က ပြောင်းလဲထားခြင်းရှိမရှိ တွေ့မြင်နိုင်ပါသည်။ ထိုစခရင်မှ သင်သည် အဖွဲ့ဝင်များကို ဘလော့ခ်နိုင်သည် သို့မဟုတ် ၎င်းတို့ကို အဖွဲ့မှ ဖယ်ရှားနိုင်သည်။

တစ်စုံတစ်ဦး၏အထောက်အထားကို အတည်ပြုရန် နောက်တစ်နည်းမှာ ၎င်းတို့နှင့် Signal တွင် ဗီဒီယိုခေါ်ဆိုမှု ပြုလုပ်၍ မိမိထင်မှတ်ထားသူ ဟုတ်မဟုတ်ကို ခွဲခြားဖော်ထုတ်ခြင်းဖြစ်သည်။
 

လုံခြုံရေးနံပါတ်များ 

ချက်(တ်)တစ်ခုစီတွင် ၎င်းနှင့်ဆက်စပ်သည့် သီးခြားလုံခြုံရေးနံပါတ်တစ်ခုရှိသည်။ သင်စကားပြောနေသူများနှင့် လုံခြုံရေးနံပါတ်များကို နှိုင်းယှဉ်ခြင်းက သင်နှင့်စကားပြောနေသော Signal အကောင့်သည် သင်ထင်မှတ်ထားသောသူဖြစ်ကြောင်း အတည်ပြုရန် ကူညီပေးနိုင်ပါသည်။ လုံခြုံရေးနံပါတ်များကို လူကိုယ်တိုင်ဖြစ်စေ သို့မဟုတ် အခြားယုံကြည်ရသော ချန်နယ်မှတစ်ဆင့်ဖြစ်စေ နှိုင်းယှဉ်ပြီးသည်နှင့် အဆိုပါ Signal ချိတ်ဆက်မှုအား သင့်ဘက်တွင် “စစ်ဆေးပြီး” အဖြစ် အမှတ်အသားပြုမည်ဖြစ်သည်။

လုံခြုံရေးနံပါတ်ပြောင်းလဲမှုကို သင်တွေ့ပါက ၎င်းသည် Signal အကောင့်ကို ပြန်လည်ထည့်သွင်းထားကြောင်း သို့မဟုတ် ဖုန်းအသစ်သို့ ပြောင်းထားကြောင်း ညွှန်ပြနိုင်သည်။ စကားပြောဖော်သည် ၎င်းတို့၏ Signal အကောင့်အား အပေးအယူလုပ်ထားပြီး လုံခြုံရေးနံပါတ်ပြောင်းလဲမှုကို တွေ့ရှိပါက အတည်ပြုရန် အခြားဆက်သွယ်ရေးချန်နယ်တစ်ခုမှတစ်ဆင့် ၎င်းတို့၏ စကားပြောဖော်ထံသို့ ဆက်သွယ်နိုင်သည်။

အချက်အလက်စာရွက်

သင်နှင့် ချက်(တ်)နေသော သို့မဟုတ် အဖွဲ့တစ်ခုနှင့် မျှဝေနေသော တစ်စုံတစ်ဦးအကြောင်း ပိုမိုလေ့လာရန် ကြိုးစားနေပါက အချက်အလက်စာရွက်ဖြင့် အလွယ်တကူ ပြုလုပ်နိုင်သည်။ Signal ရှိ လူတစ်ဦး၏ ပရိုဖိုင်း အမည်ဘေးရှိ မြားကိုနှိပ်ခြင်းဖြင့် ၎င်းတို့နှင့်ပတ်သက်သော အချက်အလက်များကို ပိုမိုရရှိစေသည်။ ထိုနေရာတွင် သင်တို့နှစ်ဦး အတူပါဝင်သော အဖွဲ့များ ရှိမရှိ၊ ၎င်းထံသို့ သင် မက်ဆေ့ချ်များ တိုက်ရိုက်ပို့ဖူးခြင်း ရှိမရှိ၊ ၎င်းသည် Signal အဆက်အသွယ်တစ်ဦး ဟုတ်မဟုတ်၊ သင့်ဖုန်း၏ အဆက်အသွယ်စာရင်းထဲတွင် ၎င်း ပါမပါ မြင်တွေ့ရပါမည်။

အမည်ပြောင်

Signal တွင် သင့်ဖုန်း၏အဆက်အသွယ်များတွင် မသိမ်းဆည်းထားသော်လည်း သင်နှင့်စကားပြောနေသော မည်သူမဆိုအတွက် နာမည်ပြောင်တစ်ခု သတ်မှတ်ပေးနိုင်သည်။ နာမည်ပြောင်များကို ဟိုဘက်သည်ဘက် ကုဒ်ပြောင်းဝှက်ထားပြီး သင်၏ Signal PIN ဖြင့် ကာကွယ်ထားသည်။ အမည်ပြောင်များကို သင်တစ်ဦးတည်းသာမြင်ရပြီး ၎င်းတို့သည် မည်သူဖြစ်ကြောင်း သင်မှတ်မိစေရန် ကူညီပေးပြီး လူများကို အမည်ပေးခြင်း သို့မဟုတ် အညွှန်းတပ်ခြင်းအတွက် အသုံးဝင်ပါသည်။ Signal တစ်ခုလုံးရှိ အုပ်စုများအတွင်း မည်သူဖြစ်သည်ကို ခြေရာခံရန်အတွက် ၎င်းသည် အထူးသဖြင့် အသုံးဝင်သည်။