Signal လုံခြုံရေး ဘက်ခ်အပ် အင်္ဂါရပ်ကို မသုံးဘဲ သင့် မက်ဆေ့ချ်မှတ်တမ်းကို Android မှ အခြား Android သို့လွှဲပြောင်းနိုင်ပါသည်။ ထိုသို့ပြုလုပ်ရန် စက်နှစ်ခုလုံးရှိရန် လိုအပ်သည်။ မက်ဆေ့ချ်မှတ်တမ်းကို Android စက်အသစ်သို့ ကူးယူခြင်းမဟုတ်ပါ ၊ ၎င်းကို ရွှေ့ပြောင်းခြင်းဖြစ်သည်။
သတ်မှတ်ချက်များ
- မက်ဆေ့ချ်များကို လွှဲပြောင်းမည့် Android စက်အဟောင်း သင့်တွင် ရှိထားရပါမည်။
- စက်နှစ်ခုစလုံးသည် Signal ဗားရှင်း 7.68.4 သို့မဟုတ် နောက်ဆုံးထွက်ဗားရှင်းသို့ အပ်ဒိတ်လုပ်ထားကြောင်း သေချာပါစေ။
- စက်နှစ်ခုလုံးတွင် Wifi နှင့် Bluetooth ကိုဖွင့်ထားကြောင်း သေချာပါစေ။
- သင့်စက်ဟောင်းသည် Signal ကိုဖွင့်ပြီး သင့်မက်ဆေ့ချ်မှတ်တမ်းကို ကြည့်ရှုနိုင်ကြောင်း သေချာပါစေ။
- Android စက်အဟောင်းတွင် အလုပ်လုပ်သော ကင်မရာတစ်လုံး လိုအပ်ပါသည်။
- စက်နှစ်လုံးစလုံးတွင် သိုလှောင်မှုကို အသုံးပြုခွင့်ပြုထားကြောင်း သေချာပါစေ။
- မှတ်ပုံတင်ခြင်း ပြီးမြောက်ရန်အတွက် သင့်စက်အသစ်သည် SMS သို့မဟုတ် ဖုန်းခေါ်ဆိုမှုကို လက်ခံရရှိနိုင်ကြောင်း သေချာပါစေ။
- လုပ်ငန်းစဉ်တစ်လျှောက်လုံး Android စက်နှစ်ခုလုံးသည် အနီးကပ်ရှိနေကြောင်း သေချာပါစေ။
Android စက်မှ ကျွန်ုပ်၏ မက်ဆေ့ချ်မှတ်တမ်းကို မည်သို့လွှဲပြောင်းရမည်နည်း။
- သင့်စက်အသစ်တွင် Signal ကို ထည့်သွင်းပြီး ဖွင့်ထားပါ။
- ပြန်လည်ရယူရန် သို့မဟုတ် လွှဲပြောင်းရန်ကို ရွေးချယ်ပါ။
- စက်အဟောင်း ရှိပါသည်ကို ရွေးချယ်ပါ။ ထို့နောက် QR ကုဒ်တစ်ခု ပေါ်လာပါမည်။
- စက်အဟောင်းတွင် Signal ကို ဖွင့်ပြီး ကင်မရာအိုင်ကွန်ကို နှိပ်ပါ။
- စက်အသစ်တွင် ပြသထားသော QR ကုဒ်ကို စက်အဟောင်းဖြင့် စကင်န်ဖတ်ပါ။
- စက်အဟောင်းတွင် အကောင့်လွှဲပြောင်းရန်ကို နှိပ်ပါ။
- ဤလွှဲပြောင်းမှုကို မပြုလုပ်မီ Signal လုံခြုံရေးဘက်ခ်အပ်ကို ပြုလုပ်လိုခြင်း ရှိ၊ မရှိ ရွေးချယ်ပါ။
- သင့်စက်အဟောင်းမှ ကို ရွေးချယ်ပြီး စက်အဟောင်းတွင် ဆက်လက်လုပ်ဆောင်ပါ။
- စက်အသစ်ကို စက်အဟောင်းအနီးသို့ ရွှေ့ထားပြီး စက်နှစ်လုံးစလုံးတွင် ဆက်လက်လုပ်ဆောင်ရန်ကို နှိပ်ပါ။
- စခရင်နှစ်ခုစလုံးတွင် ပြသထားသော အတည်ပြုကုဒ်များ တူညီကြောင်း သေချာစစ်ဆေးပြီး နံပါတ်များ တူညီပါသည် ကို နှိပ်ကာ ဆက်လက်လုပ်ဆောင်ပါ။
- လွှဲပြောင်းမှု ပြီးဆုံးသွားသောအခါ စက်အဟောင်းတွင် ထိုစက်သည် မှတ်ပုံတင်ထားခြင်း မရှိတော့ကြောင်း ဖော်ပြထားသော အဝါရောင်ဘန်နာကို တွေ့ရပါမည်။ ၎င်းသည် မျှော်လင့်ထားသည့်အတိုင်း ဖြစ်ပါသည်၊ အကြောင်းမှာ တစ်ကြိမ်လျှင် ပင်မစက်တစ်လုံးကိုသာ မှတ်ပုံတင်ထားနိုင်သောကြောင့် ဖြစ်သည်။
- ထို့နောက် စက်အဟောင်းတွင် Signal ကို ဖြုတ်နိုင်ပါသည် (ပုံမှန်အားဖြင့် စနစ်ဆက်တင် အက်ပ် > အက်ပ်များ > Signal > ဖြုတ်ရန်) သို့မဟုတ် သင့်စက်အတွက် သီးခြားသတ်မှတ်ထားသော အဆင့်များကို လိုက်နာပါ။
နောက်ထပ်အချက်အလက်များ
ကျွန်ုပ်၏ မက်ဆေ့ချ်မှတ်တမ်းကို ပေါင်းစည်းပြီး Android စက်နှစ်ခုလုံးတွင် ပေါ်လာအောင် လုပ်လို့ရပါသလား။
- မရပါ။ မက်ဆေ့ချ်မှတ်တမ်းကို Android စက်အသစ်သို့ ကူးယူခြင်းမဟုတ်ပါ၊ ၎င်းကို ရွှေ့ပြောင်းလိုက်ခြင်းဖြစ်သည်။ သင့် Android စက်အဟောင်းထဲမှ Signal သည် စာရင်းမသွင်းထားခြင်း ဖြစ်သွားပါမည်။
Android စက် အဟောင်းမရှိပဲ စက်ရုံထုတ်အတိုင်းပြန်လည်သတ်မှတ်ထားလျှင် သို့မဟုတ် ကင်မရာအလုပ်မလုပ်လျှင် ဘာလုပ်ရမည်နည်း။
- မက်ဆေ့ချ်မှတ်တမ်းကို Android စက်နှစ်ခုလုံးရှိပြီး စက်ဟောင်း၏ ကင်မရာ အလုပ်လုပ်နေမှသာ လွှဲပြောင်းနိုင်ပါသည်။
အကူအညီ လိုအပ်သေးပါသလား။ စက်လွှဲပြောင်းခြင်းအတွက် ကျွန်ုပ်တို့၏ ပြဿနာဖြေရှင်းခြင်းစာမျက်နှာကို ကြည့်ရှုပါ။