ပျောက်သွားမည့် မက်ဆေ့ချ်များ သတ်မှတ်ပြီး စီမံခြင်း

သင်၏မက်ဆေ့ချ်မှတ်တမ်း သပ်သပ်ရပ်ရပ်ရှိနေစေရန် ပျောက်သွားမည့် မက်ဆေ့ချ်များကို အသုံးပြုပါ။ အချိန်မှတ်နာရီတွင် အချိန်ပြည့်သွားပြီးနောက် မက်ဆေ့ချ်မှာ သင်၏ စက်များမှ ပျောက်ကွယ်သွားပါမည်။ ၎င်းသည် သင့်အဆက်အသွယ်မှာ သင်နဲ့ပဋိပက္ခဖြစ်နေသည့် အခြေအနေများအတွက် မဟုတ်ပါ — မည်သို့ပင်ဖြစ်စေ ပျောက်သွားမည့် မက်ဆေ့ချ်တစ်စောင်ကို လက်ခံရရှိသူတစ်ဦးသည် ၎င်းကို အမှန်တကယ် မှတ်တမ်းတင်ထားလိုပါက မက်ဆေ့ချ်ပျောက်မသွားမီ မျက်နှာပြင်ကို အခြားကင်မရာတစ်လုံးဖြင့် ဓာတ်ပုံရိုက်နိုင်သည်သာဖြစ်သည်။

• ပျောက်သွားမည့် မက်ဆေ့ချ်များကို ချက်(တ်)အတွင်းရှိ မည်သူမဆို စီမံနိုင်သည်။
• ဆက်တင်သည် အချိန်မှတ်နာရီကို သတ်မှတ် သို့မဟုတ် မွမ်းမံပြီးနောက် မက်ဆေ့ချ်ပေးပို့မှုအသစ်တိုင်းနှင့် သက်ဆိုင်သည်။
• အချိန်မှတ်နာရီ အပြောင်းအလဲများကို သင်၏ ချိတ်ထားသည့် စက်များနှင့် တူအောင်ညှိပါမည်။

ပျောက်သွားမည့် မက်ဆေ့ချ်တစ်စောင်မှာ မည်သည့်ပုံစံမျိုး ဖြစ်သနည်း။ 

 ပျောက်သွားမည့် မက်ဆေ့ချ်တိုင်းတွင် မက်ဆေ့ချ်ပူဖောင်း၏အောက်ခြေ၌ မြင်နိုင်သော အချိန်မှတ်နာရီ ရေတွက်မှုအိုင်ကွန်တစ်ခု ရှိပါမည်။

အချိန်မှတ်နာရီ မည်သည့်အချိန်တွင် စမှတ်သနည်း။

• ပေးပို့လိုက်သော ပျောက်သွားမည့် မက်ဆေ့ချ်တစ်စောင်အတွက် သင် ပေးပို့ပြီးနောက်တွင် အချိန်မှတ်နာရီ စ မှတ်ပါသည်။ ၎င်းသည် ရောက်ရှိသွားကြောင်း ညွှန်ပြမှု သို့မဟုတ် ဖတ်ပြီးကြောင်းညွှန်ပြမှု မဟုတ်ပါ။
• လက်ခံရရှိသော ပျောက်သွားမည့် မက်ဆေ့ချ်တစ်စောင်အတွက် သင် ဖတ်ရှုပြီးနောက်တွင် အချိန်မှတ်နာရီ စမှတ်ပါသည်။

ပျောက်သွားမည့် မက်ဆေ့ချ်အတွက် အချိန်မှတ်နာရီတွင် အချိန်ပြည့်သွားပါက မည်သို့ဖြစ်မည်နည်း။

မက်ဆေ့ချ်ကို ဒစ်ခ်ထဲမှ ဖျက်လိုက်သည်။

ဖွင့်ရန် သို့မဟုတ် ပြောင်းလဲရန် အဆင့်များ-

1. ချက်(တ်)အားလုံးအတွက် ဖွင့်ရန် သို့မဟုတ် ပုံသေသတ်မှတ်မှုကို ပြောင်းရန် (သို့) ချက်(တ်)တစ်ခုခုအတွက် ဖွင့်ရန် ဆုံးဖြတ်ပါ
   • ပုံသေသတ်မှတ်မှုကို ကြည့်ရန် Signal ဆက်တင်  > ကိုယ်ပိုင်အချက်အလက် > ချက်(တ်)အသစ်များအတွက် ပုံသေ အချိန်မှတ်နာရီသို့ သွားပါ။
   • တစ်ဦးချင်းပြောထားသည့် ချက်(တ်)တစ်ခုခုအတွက် မည်သည့်စက်တွင်မဆို ချက်(တ်)ဆက်တင် > ပျောက်သွားမည့် မက်ဆေ့ချ်များသို့ သွားပါ။
   • အဖွဲ့ချက်(တ်)တစ်ခုခုအတွက်
     • စီမံသူများက အချိန်မှတ်နာရီကို ပြောင်းလဲနိုင်မည့်သူကို ရွေးနိုင်သည်။
     • မည်သည့်စက်တွင်မဆို ချက်(တ်)ဆက်တင် > ပျောက်သွားမည့် မက်ဆေ့ချ်များသို့ သွားပါ။
2. အချိန်တစ်ခု ရွေးပါ သို့မဟုတ် အများဆုံး 4 ပတ်အထိ စိတ်ကြိုက်အချိန်ကာလတစ်ခုခုကို ရွေးချယ်ပါ။
3. နောက်တစ်ဆင့်
   1. Android အတွက် သိမ်းဆည်းမည်ကို နှိပ်ပါ။
   2. iOS အတွက် သတ်မှတ်မည်ကို နှိပ်ပါ။
   3. Desktop အတွက် အချိန်မှတ်နာရီမှာ အလိုအလျောက်သက်ရောက်သည်။
4. ချက်(တ်)ခေါင်းစီးတွင် အချိန်မှတ်နာရီ အိုင်ကွန်တစ်ခု ပါဝင်ပါမည် ။
5. ချက်(တ်)စကားတွဲထဲတွင် ပျောက်သွားမည့် မက်ဆေ့ချ်အသစ်အတွက် အချိန်ကို သတိပေးချက်တစ်ခုဖြင့် ပြသပါမည်။
   
   

ပိတ်ရန်အဆင့်များ-

1. ချက်(တ်)အသစ်အားလုံးအတွက် သို့မဟုတ် ချက်(တ်)အသစ်တစ်ခုခုအတွက် ၎င်းကိုပိတ်ရန် ဆုံးဖြတ်ပါ
   • ချက်(တ်)အသစ်များအတွက် ပုံသေသတ်မှတ်မှုကို ကြည့်ရန် Signal ဆက်တင်  > ကိုယ်ပိုင်အချက်အလက် (Android နှင့် iOS) သို့မဟုတ် > ဦးစားပေးများ (Desktop) > ချက်(တ်)အသစ်များအတွက် ပုံသေအချိန်မှတ်နာရီသို့ သွားပါ။
   • တစ်ဦးချင်းပြောထားသည့် ချက်(တ်)တစ်ခုခုအတွက် မည်သည့်စက်တွင်မဆို ချက်(တ်)ဆက်တင် > ပျောက်သွားမည့် မက်ဆေ့ချ်များသို့ သွားပါ။
   • အဖွဲ့ချက်(တ်)တစ်ခုခုအတွက်
     • စီမံသူများက အချိန်မှတ်နာရီကို ပြောင်းလဲနိုင်မည့်သူကို ရွေးနိုင်သည်။
     • မည်သည့်စက်တွင်မဆို ချက်(တ်)ဆက်တင် > ပျောက်သွားမည့် မက်ဆေ့ချ်များသို့ သွားပါ။
2. ထိပ်ဆုံးတွင်ဖော်ပြထားသည့် ပိတ်မည်ကို ရွေးပါ။
3. နောက်တစ်ဆင့်
   1. Android အတွက် သိမ်းဆည်းမည်ကို နှိပ်ပါ။
   2. iOS အတွက် သတ်မှတ်မည်ကို နှိပ်ပါ။
   3. Desktop အတွက် အချိန်မှတ်နာရီမှာ အလိုအလျောက်သက်ရောက်သည်။
4. ချက်(တ်)ခေါင်းစီးတွင် အချိန်မှတ်နာရီ အိုင်ကွန် မပါဝင်တော့ပါ။
5. ချက်(တ်)တွင် အချိန်မှတ်နာရီကို  ပိတ်ထားကြောင်း သတိပေးချက်တစ်ခု ပါဝင်ပါမည်။
6. ဤအပြောင်းအလဲနောက်ပိုင်းတွင် ပေးပို့သော မက်ဆေ့ချ်အားလုံးသည် ပျောက်သွားမည်မဟုတ်ပါ။ 
7. ပေးပို့ သို့မဟုတ် လက်ခံရရှိသော မက်ဆေ့ချ်အားလုံးတွင် အချိန်မှတ်နာရီ အိုင်ကွန် ပါတော့မည်မဟုတ်ပါ။